“Aydın yol” məşhur Amerika yazıçısı, Nobel mükafatı laureatı Ernest Miller Heminqueyin (1899–1961) aforizmlərini təqdim edir.

“Kiminsə sənə inamını yoxlamaq üçün hər şeydən əvvəl ona inanmalısan”.

***

“Bütün yaxşı kitablar bir məsələdə eynidir: onu sonacan oxuyanda sizə elə gəlir ki, nə vaxtsa yaşadıqlarınız və ömür boyu sizinlə qalacaq həyatı hiss edirsiniz”.

***

“Həyatdakı heç bir qələbə məhəbbətdəki məğlubiyyətin yerini doldura bilməz”.

***

“Ürəyin bayramını həmişə özünlə daşımalısan”.

***

“İnsanlar iki hissəyə bölünür – onlarla asan və onlarsız da asan, onlarla çətin və onlarsız da çətin olanlara”.

***

“İçkili başla yaz, ayıq başla redaktə elə”.

***

“Çox möhtəşəm müalicə idi, sadəcə, pasienti itirdik”.

***

“Pişik ən səmimi məxluqdur. İnsan müxtəlif səbəblərdən öz hisslərini gizlətsə də, pişik bunu bacarmır”.

***

“Şən insanlar, adətən, gülləyə daha tez tuş gələn cəsarətli insanlardır”.

***

“Yazıçıya mane olan nədir? İçki, qadın, pul və şöhrətpərəstlik. Həmçinin içki, qadın, pul və şöhrətpərəstlik hissinin olmaması”.

***

“Bütün canlılar arasında yalnız insan gülə bilir. Hərçənd bunun üçün ən az səbəbə də məhz insan malikdir”.

***

“Hər birimizin canında qorxu var. Qorxunun üzünə dik baxanların canında isə həm də mərdlik var”.

***

“Ağıllı insanlar nadir hallarda xoşbəxt olur”.

***

“Dünyada insan haqqında vicdanlı, sadə nəsr yazmaqdan çətin şey yoxdur”.

***

“Yalnız cavablar deyil, suallar da köhnəlir”.

***

“Geyilməmiş uşaq ayaqqabısı satılır”.

***

“Yazıçı demək istədiklərini ağızla yox, qələmlə deməlidir”.

***

“Dünya – duracaq yerdir. Onun uğrunda vuruşmaq lazımdır. Mən bu yeri qoyub getmək istəmirəm”.

***

“Öz savadını və erudisiyasını gözə soxanlar hər ikisindən məhrum insanlardır”.

***

“Müharibədən də pis şeylər var – qorxaqlıq, satqınlıq, xudpəsəndlik”.

***

“Bütün yaxşı kitablar bir-birinə bənzəyir. Onlar həyatdan daha həyatidir”.

***

“İnsanlar həmişə xoşbəxtliyə aparan qısa yolu arayırlar. Belə yol yoxdur”.

***

“Yaxşı nəsr aysberqə oxşayır: səkkizdən yeddisi görünmür”.

***

“Bəzi kitablar layiq olmadan unudulur, amma layiq olmadan xatırlanan bir kitab belə yoxdur”.

***

“Niyə darıxdırıcı insanlar kifayət qədər xoşbəxt olduqları halda, ağıllı və maraqlı insanlar özlərinin də, doğmalarının da həyatını zəhərləyirlər?”

***

“Həyatın nə olduğunu dərk edənəcən, bir də görürük, keçib getdi”.

***

“Mark Tven üç səbəbdən mənim sevimli yazıçımdır: yaxşı yazır, məni əyləndirə bilir və artıq ölüb”.

***

“Kuba inqilabı tarixi zərurət idi”.

***

“Sizi öldürəcək güllənin səsini eşidə bilməzsiz. Əgər eşitdinizsə, deməli, yanınızdan ötüb keçib”.

***

“Kişinin yataqda ölməyə haqqı yoxdur. Ya döyüşdə ölməlisən, ya da alnına güllə çaxmalısan”.

***

“Sına-sına bərkiyirik”.

***

“Bütün Amerika ədəbiyyatı “Heklberri Finn”dən çıxıb”.

***

“Bütün ömrüm boyu sözlərə sanki ilk dəfə görürmüşəm kimi baxdım”.

***

“Uğur formulunu bilməsəm də, uğursuzluq formulunu bilirəm. Bu hamıya xoş gəlməkdir”.