Məhəmməd Peyğəmbərin istəkli nəvəsi Həzrəti Hüseynin Kərbəlada üzləşdiyi faciənin ağrısını yaşamış Osmanlı hökmdarı Sultan Əbdüləzizin qələmə aldığı “Kərbəla” şeirini oxuculara təqdim edirik. Sultan Əbdüləziz 1830-cu ildə doğulub, 1861-ci ildə, yəni 31 yaşında Osmanlı taxtına əyləşib. On beş illik hakimiyyətinin sonunda – 1876-cı ildə o da Peyğəmbər nəvəsi kimi işgəncə ilə öldürülüb.
Kərbəla
Qüdrətül-ayini Rəsuli-şahi-sərvərə,
Qətl qəsdilə cəm oldular bir yerə,
Gör necə layiq gördülər cismi-paki xəncərə!
Ümmət olmaq belədirmi Həzrəti Peyğəmbərə?
Həm ciyərpareyi-Fatimə, nuri-çeşmi-Heydərə?
Biət vacib ikən iman etmədi ol lain,
Qurdular dini-fəsadı, oldular dini-xain,
Hüseynə qarşı fitnəni həyasız, bildin,
Ümmət olmaq belədirmi Həzrəti Peyğəmbərə?
Həm ciyərpareyi-Fatimə, nuri-çeşmi-Heydərə?
İncitdilər övladi-Rəsulu, Haqqın da qulu,
Vermədilər Kərbəlada məzluma bir qətrə su,
Ey həyasız zalım, sənin üzünə tfu!
Ümmət olmaq belədirmi Həzrəti Peyğəmbərə?
Həm ciyərpareyi-Fatimə, nuri-çeşmi-Heydərə?
Hüseynin qatilinin heç qalarmı yanına,
Şümür məlun xəncər çaldı ol Şahın gərdanına,
Ey münafiq, necə girdin Şah Hüseyn qanına!
Ümmət olmaq belədirmi Həzrəti Peyğəmbərə?
Həm ciyərpareyi-Fatimə, nuri-çeşmi-Heydərə?
Quranı, dini-islamı mətah kimi satdılar,
Əhli-beyti üryan-büryan Şamda əsir etdilər,
İnsanlığa rəva olmaz belə bir iş tutdular,
Ümmət olmaq belədirmi Həzrəti Peyğəmbərə?
Həm ciyərpareyi-Fatimə, nuri-çeşmi-Heydərə?
Ey müsəlmanlar, dinlədiniz, fəryad-fəğan etdiniz,
Dini-islam olmusuz, Rəsula iman etdiniz,
Bəs buna necə tab etsin Sultan Xəlifə Əbdüləziz?!
Ümmət olmaq belədirmi Həzrəti Peyğəmbərə?
Həm ciyərpareyi-Fatimə, nuri-çeşmi-Heydərə?